UNGDOMSKORTET er eit rabattkort for deg mellom 16 og 25. Registrer deg under og få teaterbillettar til berre 85 kroner! I tillegg får du fordelar som medlem av Sjekk scenen. Meir om kortet under skjemaet.

Les meir om programmet for hausten 2011 og følg med på Facebook på lenka under for video, info, konkurransar m.m.

Velkommen som brukar av Ungdomskortet

OM UNGDOMSKORTET

Ungdomskortet er gratis og for deg mellom 16 og 25. Kortet fungerar som eit medlemsskap. Medlemsskapet har du f.o.m. fylte 16 t.o.m. den teatersesongen du fyller 25. Du må registrere deg på www.detnorsketeatret.no/ung for å få kortet.

Kortet gir deg eksklusive teaterbillettar til berre kr 85 på Det Norske Teatret. Kvar sesong plukkar vi ut datoar kor du får ungdomskortprisen. Kvar produksjon vil ha eigne datoar til ungdomskortpris. Datoane blir annonsert i byrjinga av kvar teatersesong. I tillegg legg vi opp til eit eige medlemsprogram under vignetten SJEKK SCENEN med møte med skodespelarar, omvising på huset og andre aktivitetar bak scenen. Det er ofte avgrensa tal på plassar på desse arrangementa. Du må derfor melde deg på på e-post til ung@detnorsketeatret.no om du ønskjer å delta.

Kortet med ditt personlege medlemsnummer hentar du i billettluka seinast to veker etter at du har fått ein e-post frå oss om at ungdomskortet ditt er klart. Hugs at du må legitimere deg med gyldig ID-kort. Om du bor langt unna, send oss ein e-post så ordnar vi ei anna løysing!

KVAR FÅR EG INFORMASJON OM DATOAR OG PROGRAM?

Følg med på www.detnorsketeatret.no og Ungdomskortets Facebook-side for å sjå kva datoar rabatten gjeld og kva arrangement som er planlagt under SJEKK SCENEN.

KORLEIS FÅR EG TAK I BILLETTAR?

Med medlemsnummeret på framsida av Ungdomskortet ditt loggar du deg inn på www.detnorsketeatret.no når du skal kjøpe billett. Innan eit slikt system er på plass hos oss, bestiller du billett på e-post til ung@detnorsketeatret.no. Hugs å skriv dato og medlemsnummeret ditt i e-posten! 

MERK?

Vi gjer merksame på at kortet er personleg og ikkje brukast av andre. Rabatten gjeld for 1 person. Kortet gjeld ikkje for gruppebestillingar. Alle framsyningar har avgrensa tal på plassar, så ver tidleg ute med bestillinga di!

SPØRSMÅL?

Spør oss på ungdomskortets Facebook-side eller send ein e-post til ung@detnorsketeatret.no