Den moderne familien

Baksnakk om Familien – August: Osage County fredag 19. februar kl. 17.00 på Prøvesalen på Det Norske Teatret

Fredag 19. februar blir det BAKSNAKK om den amerikanske publikumssuksessen Familien – August: Osage County. Familiedramaet har òg fått gode kritikkar på Det Norske Teatret etter premieren 5. februar. På BAKSNAKK blir publikum invitert til diskusjon, tematisk fordjuping og kunstnarleg innsikt med sesongens premierar som utgangspunkt.
 
I Familien følgjer vi forviklingane i den store og skakkøyrde familien Weston. Kva rolle speler familien i liva våre? Er familien i dag først og fremst opphavet til og åstaden for krasse samfunnskonfliktar eller ei lun og trygg hamn i ei kaotisk verd? 

I panelet: regissør Svein Sturla Hungnes og skodespelar Marianne Krogh. Forfattar, journalist og omsetjar av Familien Agnes Ravatn vil leie diskusjonen.
 
For meir informasjon, kontakt informasjonsavdelinga på Det Norske Teatret, tlf: 22 47 38 27 eller e-post: info@detnorsketeatret.no