Barneteater og familieframsyningar har ein lang og stolt tradisjon på Det Norske Teatret. Nokre av våre største kunstnarlege suksessar dei siste åra har vore heilt nye stykke for barn på Hovudscenen, som t.d. det luftige eventyret Peter Pan (2007/2008), spenningsforteljinga Fyrverkerimakarens dotter (2006) og nysirkusframsyninga Trollprinsen (2004/2005). Som ledd i ei offensiv satsing på gode framsyningar for ungdom fekk mange med seg Jungelboka (2008/2009), ei omskriven versjon av Kiplings klassikar med popkulturelle referansar til m.a. film, spel, musikk og dans.

Av framsyningar for barn og unge denne hausten finn du:

EVENTYRFORTELJETEATERSTUND 
Eventyrforteljeteaterstund for barn og vaksne er blitt ein stor suksess på ein liten scene. Laurdagar kl. 13.30 kjem barn og vaksne saman til ei fantasireise og stund for undring på Scene 3. Stille som mus sitt ungane på puter og lyttar til kjende og ukjende eventyr. Billettar: Kr 50.